(-- جرح قلبي --)
الشاعر/طالب العثماني
كسر قلبي وحطمني وعاده جاء يتكلم
يوجه لي العتب واللوم سببها فعل أفعالي
واهداني ألم وجروح سقاني المر والعلقم
جزاني الهم والأحزان حطم كل امالي
نكر حبي وعشقي له تناسى عهدنا المبرم
وخلى حالتي حاله ولا يسأل عن أحوالي
وفجأه زاد في هجري بعد ما كان بي مهتم
ولاغيرة أحد يعلم سبب هجري واهمالي
ملك قلبي واحساسي اسرني بقبضته واحكم
بكيفه صار يتحكم وكم مرة شغل بالي
على عهد الوفاء أحلف وياكم بالهوى أقسم
وعاهد مايحب غيري ويبقى في المحبه لي
نسى حبي واحساسي وباع الحب وما تقدم
وهانت كلها العشره ونكد قلبي السالي
شرحت الحب لكن ليش قلبه مابغى يفهم
تبع أهل الحسد وأهل النكد والقيل والقالي
وكم سالت دموع العين ولا ظنيت باتلتم
وكم سالت مدامع قلبي المشتاق والسالي
وجرح الحب مايشفيه لا تختر ولا مرهم
وكم عانيت من أجله وشعري صار موالي
جرح قلبي الذي حبه ولي به من زمن مغرم
وقفا بي ومن هاتفه مسح .. رقم جوالي
وبعد اللي حصل منه رجع يبكي ويتظلم
يقول لي خلاص ارحمني إنت حبي الغالي
#تختر (بالعامية) تعني دكتور
✅🔰
ليست هناك تعليقات:
إرسال تعليق